Jólagjafir

Ég og kærastinn fengum fullt af fallegum hlutum í búið og við erum svo þakklát fyrir þetta allt, mig langaði að deila einhverju af þessari fegurð með ykkur :)

Fengum einn svona frá föðurömmu betri helmingsins, finnst hann æði og langar að fá mér annan til að tengja þá :)

Við fengum reyndar ekki þennan í jólagöf en fengum tvo eins kökustanda og skiptum öðrum í Georg Jensen jólaóróa 2012 ársins.

Fengum þessa æðislegu Joseph Joseph eldhúsvog frá tengdó :)

Fengum svona æðislegan kökudisk frá annarri föðursystur minni sem er líka að hanna þá með manninum sínum, það sést ekki nægilega vel á þessari mynd en það eru málshættir á disknum :)

Fengum Arabia múmínbolla frá föðurömmu/afa settinu mínu, þetta er 2012 jólabollinn frá Arabia ;) Kom sér vel þar sem að við erum að safna þessum bollum.

Fengum tvo svona Babell kökustanda og skiptum öðrum, við fengum einn frá systrum betri helmingsins og hinn frá föðurömmu/afa settinu mínu :)

Nýttum einnig gjafabréf sem við fengum og notuðum upp í óróan og bættum þessum hníf við, hann er frá Scanpan. Mér finnst þessir hnifar frábærir því þeir eru als ekki dýrir miðað við margt annað :)

Svo fengum við tvö Holmegaard 2012 jólaglös frá móðurömmu/afa settinu mínu :)

Síðast en ekki síst fengum við svona krumma frá Ólu systir, fengum hann reyndar í öðrum lit en ég hef ekki komist í að skipta honum í þann rétta ;)

Ég get ekki þakkað öllum nægilega fyrir allar þessu frábæru og fallegu gjafir sem við fengum!

Takk fyrir okkur.

Meira/Minna?

Ég er engin sérfræðingur í góðum kaupum og oft má segja að ég sé ekki sú ódýrasta í rekstri, það er samt oft sem að það er betra að eyða meiru í ákveðna hluti einu sinni en að vera alltaf að kaupa nýtt. Svo er algjörlega hlutir sem maður á alls ekki að eyða stórfé í að mínu mati! Mig langaði aðeins að setja það í þessa grein hvað skal eyða meiru í og hvað ekki (að mínu mati).

Pottar/Pönnur - Meira

Pottar eru einhvað sem við þurfum ölla að eiga þegar við flytjum að heima, það er einhvað sem við notum frá því að við byrjum að búa og þangað til við hættum að elda sjálf. Rétt upp hend sem hefur þurft að kaupa potta oftar en einnu sinni, ef mér skjátlast ekki þá hafa flestir þurft að gera það. Sem þýðir það að 5000 króna potturinn sem þú keyptir fyrst fékk að fjúka fyrir einhvern á svipuðu verði eða ögn dýrari..? 

Sú leið sem ég valdi mér þegar ég keypti potta var að kaupa Le Creuset potta, já þeir eru dýrir en það er lífstíðar ábyrgð á þeim frá fyrirtækinu, sem þýðir að ef pottur eyðilegst á meðan ég lifi get ég skipt honum hvar sem er í heiminum! sem er nokkuð gott og ég veit að ef eg hefði ekki gert þetta væri ég komin upp í verðið á þeim þegar að ég er búin að skipta þeim út 3 sinnum. Svo þarna finnst mér þess virði að eyða smá :) (Tefal pottar og pönnur eru líka æði)

Húsgögn - Minna

Stefnur og straumar í húsgögnum eru endalausar, tískan breytist og nánast aldrei hægt að vita hvað kemur næst. Mér finnst húsgögn með sögu æði og það er alltaf hægt að taka gamla skápin hennar ömmu og skella á hann málningu eða fara inná barnaland og finna einhvað sem einhver vill henda en þú getur nýtt. Fyrir manneskju sem finnst gaman að breyta til er það vitleysa að eyða stórfé í húsgögn og jafnvel fyrir þá fastheldnu því hver veit nema að þú fáir leið á bleika stólnum sem þú keyftir á morðfjár sem þú gast þess vegna keypt á slikk eða fundið á haugunum og lappað uppá fyrir slikk og það verður nánast alveg eins (mér finndist ekki eins sárt að sjá á eftir seinni kostinum).

Leirtau - Minna

Hver kannast ekki við það þegar að glös/diskar/skálar brotna, betra IKEA leirtauið sem er alveg jafn gott að borða af heldur en Royal Albert stellið....

Ákvað að setja inn eina mynd af þessu yndislega Le Creuset pottasetti :)

Fyndist gaman að heyra hvað ykkur finnst um þetta ;)

Philippe Starck's, Ghost Chair

Ég hef einhvern veikan blett fyrir þessari hönnun Philippe Starck's, en þetta eru tveir mismunandi stólar sem heita Louis og Victoria sem eru hannaðir fyrir Kartell og innblásturinn af þeim var the classic Louis XVI armchair, Louis Ghost Chair kom á markað árið 2002.

Þeir koma í mörgum litum en ég virðist vera mest heilluð af þeim glæru og vitið þið hvað ég er staðráðin í því að þessum stólum verði einhvern tímann skartað á mínu heimili!

Hér sjást þeir í borðstofunni hjá Blair Waldorf úr gossip girl þáttunum (þar sem ég sá þá fyrst og kolféll fyrir þeim).