Topp 20 jólagjafalisti

Ég var beðinn um það að setja inn topp 20 af því sem mig langar í, í jólagjöf og auðvitað geri ég það. Mig langar samt að segja ykkur það að ég mun ekki blogga mikið í nóvember, ég veit að ég sagði að nóvember yrði mánuður framkvæmda en því miður er einn hundurinn okkar búinn að vera í mikið af ransóknum vegna gruns um eitla krabbamein og ef það er raunin að þá þurfum við því miður að svæfa hana og því er ég ekki búin að vera mikið í skapi til þess að blogga.

Mig langar svakalega í þennan fallega múmínjólabolla fyrir þetta ára :), ég væri meira að segja til í tvo svona en einn stakur kostar 3.800 kr.- í Búsáhöld.

Mig langar líka í einn svona múmínbolla sem kom út fyrir ekki svo löngu síðan en hann kostar líka 3.800 kr.- í Búsáhöldum.

Mig langar rosalega í þetta Tom Dixon ljós en því miður veit ég ekki hvað það kostar  og hvar það fæst, ég gæti þó kannski komist að því með nokkrum klikkum.

Stelton hitakanna í þessum fallega bronslit væri draumur inná mitt heimili en hún kostar  18.480 kr.- í líf og list.

Mér finnst þessi fallega Emileraða múmínkrús rosalega falleg og hún fékk meira að segja í seinasta mánuði sína eigin færslu hjá mér.

Mig langar alveg gasalega í tvö svona Georg Jensen jólaglös fyrir þetta ár  en stikkið kostar 3.280 kr.- í líf og list.

Nobuko er æðislega sæt dúkka sem ég myndi endilega vilja eignast en hún fæst í Kimiko og kostar  3.990 kr.-

Ég er alveg sjúk í Mariskálarnar og mig langar alveg rosalega í þessa fallegu rauðu skál en hún kostar 11.850 kr.- í líf og list en ég veit að hún fæst í fleiri búðum en held að hún kosti það sama allstaðar.

Mig langar líka í þennan yndislega múmínálfa kökudisk sem kostar  10.850 kr.- í líf og list og sama með hann, hann fæst líka á fleiri stöðum en er ekki viss með verðin þar.

Ég er sjúk í Scanpan hnífana en ég á einn nú þegar og væri alveg til í að eignast kokkahnífinn í rauðu en hann kostar 4.980 kr.- einnig í líf og list.

Ég er alveg sjúk í múmínálfana ef þið hafið ekki tekið eftir því að mig langar alveg gasalega í þessi æðislegu skæri sem kosta 4.350 kr.- og auðvitað í líf og list en fást í fleiri búðum líka.

Mig langar alveg svakalega í þessi Erik Bagger rauðvínsglös  en því miður veit ég ekki enþá hvar þau fást eða hvað þau kosta en ég veit að þau fengust í Epal og Líf og List.

Það er sama með þessi fallegu Erik Bagger freyðivínsglös en já mér finnst þau yndislega falleg.

Ég er líka forfallinn spilasafanari og mig langar að eignast Partý Alias en það kostar 3.999 kr.- á tilboði núna í Hagkaup.

Mig langar líka rosalega að eignast Trivial Pursuit því að það er uppáhalds spilið okkar beggja á heimilinu og hefur því nokkru sinnum verið haldið framm að við lesum yfir það saman á kvöldin (sem er bara ekki satt!).

Mig langar líka að eignast þennan fallga jólaóróa frá Georg Jensen en hann kostar 7.890 kr.- og fæst á því verði í að ég held flest öllum verslunum sem að selja hann.

Þessi Viskastykki frá By nord hafa lengi verið á óskalistanum mínum en þau fást í Epal en ég er ekki alveg viss hvað þau kosta.

Þetta sængurver frá By Nord er líka á óskalistanum og einnig þetta fyrir neðan, þau fást að ég held bæði í Epal og það sama á við um þessi sængurver og viskastykkin ég hef ekki hugmynd um hvað þau kosta.

Þessi yndislegi púði fæst í My Concept Store og kostar 8.900 kr.- og er án efa einhvað sem mig hefur lengi langað í.

Vonandi nutuð þið að lesa þetta ég ætla að taka mér smá frí frá því að blogga til að njóta seinustu dagana með hundinum mínum, takk, takk.

Dúllerí helgarinnar

Ég reyni oft að nota helgarnar í það að þrífa heimilið vel og vandlega, flokka það sem þarf að flokka og sinna svona hinum ýmsu verkum sem að eru tímafrek. Ég eyddi helginni minni í það að flokka föndurdótið mitt og taka það loksins með mér heim frá ömmu og afa, síðan fór ég í það að reyna að klára þessa sautján jólamiða sem verða að sjálfsögðu að vera tilbúnir fyrir jólin og er ég komin langleiðina með það.

Síðan var heimilið allt tekið og gluggar þvegnir, þurkað af öllu, baðherbergið skrúbbað og gengið frá dóti sem þurfti nauðsynlega að fara niður í geymslu.

Hér eru svo myndir af föndur flokkuninni minni.

Vonandi fannst ykkur gaman að sjá smá  af því hvernig ég reyni að skipuleggja föndurdótið mitt.

Lisbeth Dahl á íslandi

Nú fyrir skemstu kom danska verslunin Lisbeth Dahl hingað á klakann og eins og sönnum fagurkera sæmir er ég búin að vera að "stalka" facebook- og heima-síðuna þeirra og að sjálfsögðu hef ég fundið eitthvað sem mér finnst fallegt og langar að eignast frá þeim. Njótið..

Þessi mynd fær að fylgja því það var jú hrekkjavaka í nótt :) og þetta er ofboðslega smart!

Þessar snyrtibuddur finnst mér æði, þeim langar svolítið mikið að ég eignist þær. Fann þær að vísu ekki í Íslensku vefversluninni :/ 

Þessi finnst mér svaka sjarmör, ég er venjulega ekki mikið fyrir svona lítil box en það er eitthvað við þetta box sem heillar mig. Nákvæmlega þessi er ekki heldur til á íslensku vefsíðunni þeirra en það eru til tvö önnur svipuð box sem eru svaka sæt og kosta 5.850 kr.-

Finnst þessir voða smart.

Bowie bollinn þeirra heillaði mig alveg upp úr skónum og hann kostar 7.990 kr.- og eins og ég skil það eru tveir bollar og tvær undirskálar í pakkningunni :)

Bowie kaffidiskurinn finnst mér líka sætur og kostar hann 2.990 kr.-, mögulega er það bara ég en mér finnst matardiskurinn aðeins fg langt gengið í krúttleg heitunum, hvað finnst þér?

Síðan fann ég þessa fallegu mynd af sápupumpu og glasi  til að hafa inni á baði.

Gleðilega hrekkjavöku til ykkar sem haldið hana hátíðlega eða bara finnst hún spennandi og njótið helgarinnar :)

Mest notuðu snyrtivörur

Í dag langaði mig að blogga um eitthvað annað en heimilið og það sem varð fyrir valinu að blogga um eru uppáhalds og mest notuðu snyrtivörurnar mínar yfir veturinn og ég vona bara að þið njótið.

Mig langar líka að taka það fram að það er því miður ekki hægt að fá allar þessar snyrtivörur ennþá, auðvitað er samt hægt að finna eitthvað sem er líkt. 

Naglalakkið Malice 637 sem var í jólalínu Chanel í fyrra og það er því miður ekki selt lengur.

Varaliturinn Dazzle Caliente frá MAC ég keypti hann í sumar og hann fæst því miður heldur ekki lengur.

Kókoshnetu Body Butterið frá Body Shop er ekki svo dýrt og fæst alltaf hjá þeim og það er æðislegt fyrir þá sem eru með þurra húð yfir veturinn eins og ég.

Kókoshnetu Body Skrúbbið frá Body Shop  er æðislegt í sturtuna til að skrúbba andlitið og líkamann, ég nota þetta líka eftir að ég raka á mér lappirnar og þá nudda ég þessu vel inní húðina til að fá ekki inngróin hár.

Jóla augnskugga pallettan frá Chanel síðan í fyrra, hún fæst því miður ekki lengur en það er alveg 100% hægt að fá svipaða liti t.d. í MAC og Makeup Store.

Oojá ætli við þurfum ekki öll að nota svitalyktaeyðir en þessi er mitt persónulega uppáhald og ég er búin að vera að kaupa hann í mörg ár núna.

Burt's Bees, Beeswax Varasalvi er það besta sem ég veit á veturnar fyrir þuru sprungnu varirnar mínar og það er þessari elsku að þakka að þær haldist fallegar og mjúkar endalaust! sérstaklega á veturnar. Ég keypti minn í Lyf og Heilsu í Kringlunni.

Marc Jacobs Daisy, Eau so fresh er uppáhalds ilmvatnið mitt og ég er búin  að vera rosalega hrifin af því í langan tíma.

Rouge Allure 109 frá Chanel er einn uppáhalds varaliturinn fyrir þennan tíma árs og ég er því miður ekki viss hvort að hann fáist ennþá en ef hann fæst ennþá þá fæst hann í Hagkaupum. Ég veit að hann lítur pínu scary út þegar hann er ekki kominn á en ég lofa hann er rosalega flottur kominn á!

Banana sjampóið frá Body Shop er uppáhalds sjampóið mitt núna og ég nota það allan ársins hring og það gefur hárinu fallegan gljáa, heldur því nærðu og ótrúlegt en satt gerir það hárið alls ekki feitt þó að það gefi svona góða næringu.

Media frá MAC er klárlega eitt af uppáhöldunum mínum fyrir veturinn!

Elsku, elsku Russian Red frá MAC er líka einn af uppáhalds varalitunum mínum  og hann fylgir mér allan ársins hring og mér finnst ég nánast alltaf geta notað hann.

Zoom Fast Black Lash frá MAC er besti maskari sem ég hef nokkurtíman prófað og ég hef verið að nota hann í 3 ár núna og hann klikkar aldrei, maður þarf samt pínu að passa að klessa hann ekki en annars er hann svartasti maskari sem ég hef prufað.

Chanel Mat Lumiére er uppáhalds meikið mitt, ég nota reyndar ekki oft meik en mér finnst þetta frábært og ég hef verið að nota þetta meik í 2 ár og það fæst í Hagkaup.

Russian Navy frá OPI er annað af uppáhalds naglalökkunum mínum fyrir veturinn og það getur bara ekki klikkað að nota það. (Fæst í Hagkaup og Flestum Apótekum)

Ég veit að þetta vara svona svolítið öðruvísi blogg en ég vona að þið hafið þó notið og endilega látið mig vita ef þið viljið sjá meira af eitthverju svona.